අන්තරායකර ඖෂධ පාලක ජාතික මණ්ඩලයට අනුව ශ්‍රී ලංකාවේ 120,000කට ආසන්න පිරිසක් හෙරොයින් භාවිත කරති.
එහි සභාපති ශාක්‍ය නානායක්කාර පවසන පරිදි ලක්ෂ 4කට ආසන්න පිරිසක් ගංජා පානය කරති.
දුම්වැටි සහ මධ්‍යසාර භාවිතයේ සමස්ත අඩුවීමක් දක්නට ලැබෙන අතරම මත්ද්‍රව්‍ය භාවිතය, විශේෂයෙන් ICE භාවිතය ඉහළ ගොස් ඇති බව ඔහු පැවසීය.
2022 දී ප්‍රතිකාර ලබා ඇත්තේ 'ICE' භාවිතා කරන පුද්ගලයින් 90-100 ක් පමණක් බව ද ඔහු සඳහන් කළේය.
නානායක්කාර පවසන පරිදි හෙරොයින් සහ මරිජුවානා භාවිතා කරන්නන්ගෙන් බහුතරයක් ප්‍රතිකාර ලබා නොගෙන මත්ද්‍රව්‍ය භාවිතය නතර කරයි.
ප්‍රතිකාර මධ්‍යස්ථානවල පහසුකම් භාවිත කළ හැක්කේ 3000කට පමණ පමණක් බවද ඔහු සඳහන් කළේය.
සෑම වසරකම මත්ද්‍රව්‍ය, මධ්‍යසාර සහ දුම්කොළ භාවිතය පිළිබඳ නව වාර්තා 40,000ක් පමණ වාර්තා වන බව ඔහු පෙන්වා දුන්නේය.
0 Comments